Contact Me

Nombre

Correo electrónico

Mensaje

Hover Setting

default

Nueva Visita: Napar BCN

 
Direición: C / Diputació, 223 - Barcelona
Teléfonu:  934 089 162



Recomendaciones: Güevos Estrellaos con Múrgules, Pataca Cruxente y Xamón d'Abiyota


Web: http://www.naparbcn.com/
Facebook: https://www.facebook.com/NaparBCN
Twitter: [@naparbcn]: https://twitter.com/naparbcn
Instagram: [@naparbcn]: https://www.instagram.com/naparbcn/


Anterior Visita: http://lesfarturesast.blogspot.com.es/2016/06/napar-bcn.html


Calidá: 4/5
Preciu: 30€


Comentarios: Tornamos al NaparBCN, yá con unos meses asitiaos nel mercáu de Barcelona y cola idega de probar coses distintes.

De mano, indicáronnos qu'esaniciaron el Menú Diariu porque nun-yos salía rentable. Anque caltienen la opción de Menús Zarraos de 40€ y 50€.


Como yá vos cuntamos n'anterior visita y pudistis ver nes semeyes, la decoración del local ye espectacular. Hall, con una entrada allargada con meses baxes y altes, meses de madera y sielles acolchaes, mui elegante; y a lo fonderu abre un gran espaciu con meses altes pa comer más informal o tomar daqué; onde se ve la zona de barra y la micro cervecería onde fabriquen la so propia Napar Beer.

Amás, la cocina ta al cargu de Miquel Aldana, estrella michelín en TresMacarrons.


Dempués de tomanos una primer ronda de les sos cerveces probando nuevos sabores, quedamos a comer 4 persones. Pidimos carta pa picotiar al centru la mesa, y sentámonos nuna mesa grande. Llocal con meses espaciaes, mui tranquilín y serviciu sollerte.

Empezamos bebiendo una Naparbcn Siux (Rede IPA), Naparbcn/Guineu Theories Oda Conspiracy #1 (Session IPA) y Naparbcn Green Madness (IPA).

Cerveces fresques y de calidá perfeutes pa un picotéu.


Ensalada Templada de Llagostinos, Quinoa y Verdurines Fresques. Mui rica, el toque de quinoa, xenial, y les verdures fresques y de primera.


Moxones a la Geuze. Pota al estilu típicu de Bruxeles. Moxones pequenos, sabrosos, eso sí. Ya'l toque de geuze (cerveza llambica, esto ye, con un toque acedu importante, belga) nun lo notamos por nengún lao. Platu correctu, ensin más.


Al acabar los moxones traxéronnos una toallina d'algodón pa llimpianos les manes.


Güevos Estrellaos con Múrgula, Pataca Cruxente y Xamón d'Abiyota. Equí sí, platu bien ricu. Ruémpese tou, entemezse y a comelo. Buenísimo.


Albóndiga con Sepia de Mariña. Otru platazu buenísimo. La sepia mui suave, pero con sabor. Combina perfeutamente cola albóndiga.


Pa los postres, camudamos de cerveza y tomamos la so famosa Naparbcn Barley Wine. Auténticu cervezón avieyáu en barriques golioses. D'unos 12%, güel y sabe; y ye perfeuta pal postre. Maraviyosa.


Borrachu de Cerveza Negro con Toffee y Xeláu de Café



Cítricos, Fruta la Pasión y Espluma de Llima Llimón



Muñuelos de Praliné, Piña Anisada y Crema de Cocu


Tarta Tibia de mazana con Crema de Vainilla 



El pan en Catalunya nun se lleva p'acompañar les comíes, porque siempres tenemos que pidilo aparte. Bien ricu, por cierto.

Pagamos 120€, a 30€ per cabeza. Con cafés. Diome la sensación qu'escoyendo meyor, la comida de xuru que yera más espectacular. Cerveza de primera pa bon productu na comida. Va haber que volver pa siguir probando, pero ye un auténticu luxazu maridar cocina d'estrella con cerveza artesano.



No hay comentarios

Publicar un comentario