Casa Farpón

Direición: Mamorana - La Pola L.lena 
Teléfonu: 985 493 848



Recomendaciones: Croquetes y Arroz con Pitu Caleya


Calidá: 4/5
Preciu: 35€


Web: http://www.casafarpon.com/
Facebook: https://www.facebook.com/CasaFarpon/
Twitter: [@casafarpon] https://twitter.com/casafarpon
Instagram: [@casafarpon] https://instagram.com/casafarpon


Comentarios: Casa Farpón ta en Mamorana, pela rodiada de La Pola L.lena. Una preciosidá de pueblu con cases restauraes dende'l que vas tener unes vistes impresionantes al valle'l Caudal.


Ellí en mediu atopase una pequena casa de planta baxa onde ta asitiáu'l Restorán Casa Farpón, una construcción rehabilitada sobre una antigua corte del SXIX al pie d'una panera de la mesma dómina.


Rexentáu por un mocísimu Javier Álvarez Farpón, con namás 27 años, cuenta con esperiencia en Casa Marcial (2 Estrelles Michelín), Augua (1 Estrella Michelín) y Regueiro (a puntu -esperemos- de consiguila). ¿Paezvos pocu? Pos con esi impresionante curriculum, con tou un mundu gastronómicu a sos pies, decide rehabilitar la casa los sos güelos y apostar por abrir un pequenu restorán nuna pequena aldega. Esti tipu de llocures, de xente mozo con talentu qu'apuesta por sacar alantre l'Asturies rural son les que nos encanten y tenemos de sofitar. Amás, la so cabeza ta enllena d'idees, dende rehabilitar los accesos y aparcamientu del local; hasta la creación d'un menú degustación pasando pola creación d'una terraza pa esfrutar comiendo de les vistes dende Mamorana al valle.


Llocal preciosu con una zona de barra pa tomar daqué tranquilamente y un comedor atrás presidíu per una chimenea que tien de ser una gociada pel hibiernu.


Empezamos con un Aperitivu de la casa. Tortu con Alga, Contrastes y Pistu. Sardina n'Escabeche y Cebolleta. Xenial de mano. Testures, contrastes, sabores. D'un bocao.


Comimos dos persones y pidimos un par de tapes y platos pa compartir. Tanto pidimos y tantu queríamos probar, que nos quedaron por probar los postres.


Empezamos coles sos famoses Croquetes Cremoses de Xamón. Yá vistis so curriculum, ¿non? Casa Marcial, Regueiro ... les sos croquetes nun tienen nada qu'envidiar. Son una gociada que yá namás por elles paga la pena que vaigáis visitalo.


Maraviyoses.


Siguimos con unos Calamares Fritos Frescos, con un toque cítricu integráu que siendo un productu frescu y de primera como yera, casi nin faía falta. Bien bonos.



Pasamos a los platos, Arroz con Pitu, siguiendo la mesma escuela de los otros dos restoranes. Buenísima, pitu de primera con un arroz nel so puntu perfeuto.


Namás qu'añadir. Per ricu.


Y dempués, por encamientu de Javi, pidimos una Chuleta de Vaca Vieya Asturiana, nel so puntu y con un toque de sal. Pasada namás lo xustu, la carne desfaese. Bona calidá pa una bona chuleta.


Vien acompañada d'unes pataques cocíes y xugoses ya una ensalada.


Como vos dixi, imposible animase colos postres, anque tienen per bona pinta.


Bona carta de vinos pa un restorán pequenu, con distintes DOs; y referencies bones a vinu asturiano y sidra asturiana. Un luxazu d'apueste pol productu'l país. Amás Caves, Bourgognas, champagnes ... Falta namás dalguna cerveza artesana asturiana.


Pa beber, Sidra Natural de Mesa 1947 del Llagar Viuda de Angelón. Amás de compartir comida con Fran, so ceador, porque ye un productu buenísimo, elegante y que güel y sabe a sidra. Ensin necesidá d'echala, ye perfeutu pa esta clase de restoranes más elegantes onde nun s'echa la sidra.

Colos cafés ... una llambionada.


Pagamos 74,40€.

Planazu visitar el nuesu monumentu prerrománicu Santa Cristina de L.lena y averase a comer a Casa Farpón. Maraviyosu. Llocal a siguir bien de cerca, presente y futuru d'Asturies con una nueva xeneración de cocineros qu'empiecen a emburriar con fuerza.


Amás, tuvimos ocasión un nuevu productu en redol a la sidra que va salir al mercao de la mano del Llagar Viuda de Angelón. Ya vos falaremos d'él.

0 comentarios :

Publicar un comentario