Vinoteo: Visita a Bodegues Fariña

VINOTEO

Direición: C/Campoamor, Nº 29 - Uviéu /Oviedo
Teléfonu: 984 081 696

Web: http://vinoteo.com/
Facebook: https://es-es.facebook.com/vinoteo
Twitter: [@vinoteo] https://twitter.com/vinoteo


BODEGUES FARIÑA

Direición: Camino del Palo, s/n - Toro (Zamora)
Teléfonu: 980 577 673

Web: http://www.bodegasfarina.com/
Facebook: https://www.facebook.com/bodegasfarina/
Twitter: [@bodegasfariña] https://twitter.com/bodegasfarina


3 o 4 vegaes al añu, Juanjo del Vinoteo y les Tablas del Campillín, entama una escursión gastronómica colos sos veceros de baldre. Buscando asoleyar cultura gastronómica (yá sía al traviés de prebes, de les que somos asiduos, o con esti tipu d'escursiones), Juanjo busca un plus, vas más allá que la mayoría los restoranes y amás, curia a los sos veceros (o fideliza a nuevos),


Nesta ocasión, Juanjo entamó un viaxe a Bodegues Fariña, bodegues mui famoses, con más de mediu sieglu d'antigüedá y gran precursora de la DO Toro en Zamora.


Madrugamos un pocu, xubimos al autobús y, unes 40 persones, salimos camín de Toro.


Ellí tuvimos el luxu de poder cuntar con Manolo Fariña, dueñu la Bodega, que nos fixo un percorríu por toles instalaciones esplicándonos l'apasionante procesu d'ellaboración del vinu. Dende la recueya la uva (les viñes arrodien la bodega) pasando polos depósitos y les barriques onde los vinos ganen la crianza y la reserva.


Cúntanos Manolo cómo entamó la DO Toru, y cómo él y la so bodega fueron unos de los cabezaleros de la mesma. Creada nel 1987, consiguieron camudar la imaxe de los vinos de Toro que se tenía dende siempres. Agora los vinos son muncho más elegantes, ellaboraos y tamién, interesantes pal consumidor, asitiándose nuna de los Dos españoles con mayor proyección.


Lo primero que sorprende ye l'amplia variedá de vinos que tien la bodega. Blanco, Rosáu, tintos con distintes criances ... ufierta dende vinos de chateo hasta vinos 15 meses de barrica.


Amás de la Bodega en sí, disponen d'una enorme espaciu reserváu pa un Vinu-Muséu bien interesante onde repasen la hestoria del vinu na rexón.


Amás, una esposición de pintura. Cada añu faen un concursu internacional de pintura, y la ganadora va ser la etiqueta del so vinu Pr1mero, el primer vinu ellaboráu con maceración carbónica de la zona. La maceración carbónica ye un procesu de fermentadura del vinu que consiste n'introducir en depósitos los piños d'uva enteros p'asina poder consiguir un productu más frescu, llixeru, de marcáu calter frutal, pero eso sí, con una vida curtia. Pr1meroye un vinu nuevo con una fermentadura de 7 díes en depósitos.


En presentándonos n'esclusiva la que va ser la siguiente etiqueta pal siguiente Pr1mero que va salir n'Ochobre con un espardimientu por 33 países, preparáronmos un aperitivo onde pudimos probar el so Colegiata Blanco, un 100% malvasía con un toque de carbónicu (acaben d'embotellalu) que-y da muncha frescura. Un pelín más de reposu vendría-y bien.


Colegiata Rosado, pergrande rosao (encantó-y a tol mundu), ellaboráu con 100% uva de toro. Un vinu fresco, con intensos arumes frutales y que nunca canses de beber. Mui ricu.


Acompañaos d'un quesu manchego, Manolo esplicónos que tienen una producción añal de 1400000l.


En reponiendo fuerces, baxamos a la sala onde guarden les barriques. Sala enorme, con más de 1800 barriques, guapísima, con una temperatura más fresco pal perfeutu caltenimientu del vinu. Ellí comentáronnos cómo camuden cada pocu les barriques pa nun perder el puntu óptimo del vinu..


Una vegada visitada la bodega, pasamos a un comedor-tienda pequenu, pero coqueto, onde pudimos tastiar comida tradicional de la zona perrica.


Empezamos con unes Pataques con Costiella, realmente bones. Una pota enorme al centru la mesa y a esfrutar. Nun pudimos aguantar y repitimos. Les costielles, con un toque importante a especies ... taben bien bones.


Siguimos con una Xata Guisada, que quitaba'l sentíu. Otra ración enorme, con una carne bien tienro, acompañada de pimientos y verdures. Platu contundente y buenísimo.


Y acabamos con un postre castellanu, unes Pastes que realicen unes monxes d'un conventu cercanu. Perriques.


Pa beber, Gran Colegiata Reserva, maraviyosu vinazu premiáu internacionalmente con una rcp realmente bona (na bodega taba a 12,5€). Avieyáu mientres 18 meses en barriques de carbayu americanu, ufierta intensidá na ñariz, y frescura na boca. Vinu qu'entra solo, pero con cuerpu p'aguantar perfeutamente les carnes. Mio favoritu del día.


Como sorpresa, preséntennos so Mascaradas 2014. Amás de la so serie Colegiata, tienen una serie Modernas Tradiciones onde quieren xunir les antigües tradiciones castellanes con diseños modernos y atrevíos. Etiqueta preciosa pa un vinu qu'intenta recuperar la tradición de les mazcaraes en Castiella. Tien 6 meses en barrica y ta fechu con Tempranillu. Vinu frutáu qu'entra perfeutamente.


P'acabar, col postre, Vino Dulce Va de Reyes 2013, vinu semidulce fechu con uva moscatel y 13,5%. Un vinu sabroso pero que nun empalaga, lo cual ye d'estimar, y que foi perfeutu coles pastes. Anque a mi, nun me namoró.


Maraviyosa comida clásica castellana acompañada de grandes vinos


Tres la visita a la bodega, una parada'n Toru pa conocer la so famosa Colexata, el so Alcázar y la so Puerta de la Corredera. Un sitiu preciosu.


Como veis, un día maraviyosu afayando una bodega mítico y famoso, con un vinu bien bono, na redolada preciosa de Toro. Mil gracies Bodegues Fariña y Juanjo.

0 comentarios :

Publicar un comentario