Contact Me

Nombre

Correo electrónico

Mensaje

Hover Setting

default

Nueva Collecha DOP Cangas en Tierra Ástur

Direición: C/ Gascona, 9 - Uviéu / Oviedo
Teléfonu: 984 846 624



Web: http://www.tierra-astur.com/
Facebook: https://www.facebook.com/TierraAstur
Twitter [@tierraastur]: https://twitter.com/tierraastur
Instagram [@tierraastur]: http://www.instagram.com/tierraastur
Youtube: https://www.youtube.com/user/tierraastur


Hasta'l 12 de Junio Tierra Ástur y Crivencar entamen unes Xornaes pa presentar la Nueva Collecha de la DOP Cangas. Pa presentar les xornaes, convidáronnos a un actu promocional en Tierra Ástur Parrilla asitiáu na parte baxa de Gascona presentáu por Lluis Nel Estrada, collaborador dafechu de Tierra Ástur, y cola presencia de Juan Redondo, enólogu de Bodegues Monasterio de Corias y actual presidiente de la DOP Cangas.


Crivencar Tierra Astur apostaron dende l'entamu la creación de la DOP Cangas (fai 16 años) polos vinos asturianos, cuando naide más lu faía, y ye necesariu fae-yos esa reconocencia. Nes sos tiendes y sidreríes siempres tuvieron como primer opción vinos asturianos, inclusive cuando nun gociaben de la bona fama d'anguaño. Y que la mayor cadena de sidreríes asturianes apueste pol productu asturianu de calidá siempres ye bien bona noticia.


Juan fíxonos un repasu a la hestoria de los vinos nel suroccidente asturianu, y resumiónos el duru procesu de recuperación hasta llegar al momentu d'espansión actual. Formen la DOP anguaño 5 bodegues (anque una ensin casi producción) pero nuevos proyectos ilusionantes tán en camín que van faer la nuesa DOP más grande y fuerte, anque inda non puedan faese públicos.


Pudimos probar 4 vinos, toos ellos elaboradorados con uva autóctona asturiana. Empezamos con un Albarín Blancu Monasterio de Corias Viña Grandiella 2015. Un vinu que lleva embotelláu menos de 1 mes. En ñariz, fruta blanco y pera, un golor mui curioso. En boca, 12,5% frescos qu'entren solos, con un toque d'acidez que llimpia la boca. Bonu, anque inda nos gusta más so Guilfa criáu sobre les sos propies llies.


Pasamos a los tintos, y empezamos con un Vinu Xóven, Penderuyos Joven, de la Bodega Antón Chicote. Un vinu que nun pasa por barrica , con muncha capa. La esperiencia más asemeyada a tomar un vinu de Cangas "de los d'antes". Arumes de frutes del monte, con un toque lláctico y enforma mineral. Güel a cayuela. Tien 14% y un sabor fuerte.


Siguimos con un vinu con un pasu por barrica, Finca Los Frailes 2012 de Monasterio de Corias, 12 meses en barrica francesa con un 10% en barrica americana. Un vinu muncho más redondo, qu'entra llambión y permanez astrinxente. Mui bonu. Perfeutu pa chatear.


Acabamos con un vinu monovarietal del que yá vos falamos na nuesa visita a Bodegas Vidas. Si la uva Albarín Blanco ye'l presente de la DOP Cangas, la uva Carrasquín pue que sía'l futuru. CienMontañas Carrasquín 2014 ye un vinazu con un golor y un sabor bien carauterístico. Un vinu que podría avieyar, anque-yos quiten les botelles de les manes y va ser complicáu ver dalguna nel tiempu. 9 meses de crianza en barrica con un golor mineral, a tierra; y un sabor tánico maraviyosu qu'ensuga la boca.


Finamos la cata na terraza de la sidrería con una degustación de quesos asturianos con vinos (los que yá probemos y otros) de la DOP de Cangas.


Animámosvos a que los probéis y a qu'afayéis los vuesos favoritos.



No hay comentarios

Publicar un comentario