Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: La Calenda

Direición: Plaza Carbayo, 4 , Avilés

Calidá: 3/5
Preciu: 25

Comentarios:  Yá publiquemos otres visites a esti pequenu restorán nel centru d'Avilés, y nelles describimoslo, pero esta vegada xuntámonos dos fartones, y pareyes, dempués de rinos nel espectáculu de Berto Romero, pa cenar un domingu nel que teníamos tol comedor pa nós. 

Dalgunos nun lo conocíamos entá, y quedamos encantáos col prestosu tratu y la perrica comida, y bébora.


Encamentáronnos un tintu crianza de Douro, Portugal, D+D 2008. Bon encamientu. Acompañó a la perfección: 


D'entrante, pa compartir, unos Tomates rellenos de mariscu. Perricos, con mueyu de la qu'empresta moyar, y bonos tomates:


Dempués, un principal por persona. 

Tartar d'atún coloráu. Calidá, bon corte y bona maceración. Terrible cantidá. Descubrimientu:


Carpaccio de bonitu. Bien marináu. Esquisitu. Otru platazo:


Cachopu de berenxena. Encántanos la berenxena, y encantónos esta versión del cachopu:


Atún coloráu a la plancha con patatines caseres. Con ver la semeya yá s'aprecia. Un espectáculu:


De postre, clásicos. Natielles caseres. Suaves, prestoses:


Y Tarta de quesu casera. Un clásicu. Non por ello dexa de tar perrica:


Unos 20€ por persona. Trementa RCP. Sitiu mui recomendable. Comida casera y tratu familiar. Nun fai falta más...


No hay comentarios

Publicar un comentario