Publicidá

Blog Archive

Contact Me

Nombre

Correo electrónico

Mensaje

Hover Setting

default

Conceyu Blogueros - Secreto a Voces

Direición: Cai Manuel Pedregal, 8 - Uviéu / Oviedo
Teléfonu:  948 184 134



Web: http://secretoavoces.net/
Facebook: https://www.facebook.com/Secreto-a-Voces-Oviedo
Twitter [@SecretoaVocesOv]: https://twitter.com/secretoavocesov
Instagram [@secretoavocesoviedo]: https://www.instagram.com/secretoavocesoviedo


Comentarios: Nuna enguedeyada d'estes que presten, xuntámonos nel Secreto a Voces unos cuantos fartones pa esfrutar d'una velada onde Edén (xerente del Secretu a Voces) propúnxonos la comida y Roberto (Más Que Tinto) los sos vinos y xinebres.


Pa ello, axuntamos Raquel y Diego de Menganos.tv, Vanessa d'En las Nubes con Simonne, Verónica (apasionada gastrónoma), Sergio Mountain_Cruiser  y la so prometida venezolana Vicky.


Secreto a voces ye ún de los locales de moda n'Uviéu, asitiáu en plena ruta los vinos, combina perfeutamente l'ambiente de copes col del picoteo informal. Según entres, la lluz y la decoración, conviden más bien a tomate una copa, pero dempués de la cena pudimos comprobar que nun desdexen n'absolutu la comida. Ye una espaciu grande abiertu, con meses altes, y un pequeñu reserváu na parte de tras, onde dispunximos nós a cenar.


Empezamos la cena probando un albariño Chan de Rosas Cuvee Especial 2015, auténticu vinazu sobre madre. Vinu que perfeutamente podríamos caltener y qu'echa per tierra esa lleenda urbana que los albariños hai que bebelos nel añu. Vinu elegante y que dexa presencia na boca gracies a esa madre.


Edén propúnxonos d'aperitivu un Guacamole con Nachos, del que dimos bona cuenta mientres Roberto esplicábanos les carauterístiques del Chan de Rosas.


Foie-Micuit con Chutney de Mangu y Fresa. Bien bonu, foi ún de los mios platos favoritos de la nueche. Bonos cachos de foie con mangu y fresa que combinen perfeutamente col toque cítricu del vinu.


Tartar de Salmón con Alga Kombo y Mueyu Kimchie. Picante. Muncho rock'n'roll nesti platu.


Calamar a la Plancha con Puré de Cebolla Violeta, Ayu Negru y Alcachofa. Otru de los platos favoritos de la nueche. Sorprende que sía un platu que se tome fríu, y el refugu que puede producir primeramente conviértese en sorpresa al entemecelo tou na boca. Per ricu.


Pa entós, yá camudamos de vinu, a otra de la sorpreses de la nueche. Gracies a unos amigos (gracies Cris y Dani) conocí'l trabayu de Pedro nel so Vino Pródigo y pudi dir probando la evolución d'esti vinu, que personalmente me gusta enforma. Viña La Mercé Crianza 2013 ye un 100% tempranillu, sedosu, qu'entra xenial na boca, que va perbién con carnes medies, con una rcp bárbara y qu'empezó siendo un vinu "modestu" pero adulces va convirtiendose nun gran vinu.


Siguimos probando carta del Secreto a voces con Tataki de atún, Cous Cous Piparras y Ajoblanco. Toque picante tamién (pero menos qu'el tartar) pa unos bonos cachos d'atún bien ricos.


Otra de les sorpreses de la nueche foi ver a Edén con una especie de cachimba y una campana preparar los siguientes platos que díbamos comer. Ente costillar ibéricu "ribs" afumáu al momentu con Ceniza de Zrezal.



   

Hasta tenemos vidéu.



Les costielles desfáense, casi nin precisen cuchiellu. Y el toque afumáu nótase.


Pa los postres, volvimos camudar de vinu. Roberto sorprendiónos con un V Dulce de Invierno, verdeyu con un toque moscatel que se fai d'una forma asemeyada a la nuesa sidra de xelu. Conxélense les uves como los vinos d'iviernu pa que xenere más azucre y déxense reposar en barrica de carbayu francés unos 8 meses. Vinu llambiono que va xenial colos postres.


Empezamos colos postres. Maceta Misteriosa. Tarta de Cenahoria, marcarpone, oreo ... presentáu d'una manera orixinal. Suave. Gustó.


Milfueyes de Yogur y Vainilla con Xeláu de Lleche Merengao. Quiciabes el postre favoritu de la nueche. La milfueyes taba per bona.


Ganaché de Chocolate Blanco con Crumblé de Té Matcha y Xeláu de Miruéganu



"Figos y Quesu saben a Besu". Tarta de quesu de cabra, figos a la naranxa, mermelada de tomate y xeláu de mora.


El nuesu Xenuinu Pan con Nocilla. Brownie de chocolate blancu, xeláu d'ablana, espuma de lleche y cremosu de guianduja


Dixestivu con un Toque de Ron. Otra de les sorpreses de la nueche. Refrescante, suave... bonísimu.


P'acabar, xinebra de Galicia Ginabelle, que lleva un puntín d'albariño que-y da un toque interesante, más afrutada (y por tanto, más algamadiza).


Prestosa velada afayando'l Secreto a Voces, con Eden de gran anfitrión; con grandes vinos de Más qué Tinto ya inmeyorable compañía (faltó la semeya de grupu). ¡Esperamos repetir!


No hay comentarios

Publicar un comentario