Publicidá

Contact Me

Nombre

Correo electrónico

Mensaje

Hover Setting

default

Restaurante El Faro

Direición: C/ Río Frío 4, Cudillero / Cuideiru
Teléfonu: 985 59 15 32


Calidá: 4/5
Preciu: 30

Díbamos tar per Cuideiru y buscamos encamientos pa cenar. Nun queríamos cayer nos típicos sitios enfocaos a turistes polo qu'interesamos por quién taba faciendo les coses bien pellí saliendo un pocu de lo más típicu y de les tapes.




Quedamos col encamientu d'Olalla (A buen bocado), que comenta qu'esti restorán ta funcionando perbién.
Siendo vienres d'ochobre, notábase que terminara la temporada alta y la mayoría de llocales de la zona'l puertu taben totalmente vacíos. Sacante El Faru, onde había 5 o 6 meses más cenando.


Asitiáu nuna piatonal de segunda fila, aína dimos cuenta de que la cosa pintaba bien. Guapa y estensa terraza, amplies cristaleres y zona de comedor curiada y espaciosa.




Tuvimos bien a gustu. L'atención perfeuta ya'l serviciu rápido.


Pa compartir tou, empezamos con unes Zamburiñes a la Plancha perfeutes de puntu. Desfaen na boca:






Dempués, Pulpu del Pedreru a la Plancha. De nuevu'l puntu claváu. Con una alioli suave. Fantásticu:




Finalmente, Arroz Negro con Calamares y Alioli. Una gran ración. Nun ye tan llamativu na presentación como nel so sabor. Perricu:





Terminamos con una Mousse de Quesu con Mazana, Galleta y Canela que taba espectacular. Nivelazu de postre:





Tou con un par de copes d'Albariño, y una botella grande d'agua, ensin cafés.
Total 54€. Preciu bien afechu. Un sitiu a tener bien en cuenta nesta preciosa villa marinera.


A otru día, Jairo, del Restorán Cabu Vidio, confirmónos qu'acertáramos, y que ye ún de los meyores restoranes de la zona anguaño, tantu pol productu que trabaya como pol so bon faer.



No hay comentarios

Publicar un comentario