Publicidá

Contact Me

Nombre

Correo electrónico

Mensaje

Hover Setting

default

Quesos Aitor Luis Vega y Sidra Viuda de Angelón - La Llariega

LA LLARIEGA

Direición: Altu de la Gargantá, 17 - Llangréu / Langreo 
Teléfonu: 984 209 767


Web: http://lallariega.com/
Facebook: https://www.facebook.com/La-Llariega-Sidreria-Parrilla


EXCLUSIVAS VEGA

Direición: Daniel Moyano, 4, La Corredoria - Uvieu / Oviedo
Teléfonu: 630 476 475

Web: http://www.exclusivasluisvega.com/
Facebook: https://www.facebook.com/aitorluisvega
Twitter: [@AitorLuisVega] https://twitter.com/AitorLuisVega
Instagram: [@avigil1978] http://instagram.com/avigil1978


LLAGAR SIDRA VIUDA DE ANGELÓN - POMAR

Direición: La Teyera S/N - Nava
Teléfonu: 985 716 770

Web: http://www.sidraviudaangelonpomar.es/
Facebook: https://www.facebook.com/sidrapomar.viudaangelon/
Twitter: [@sidraangelon] https://twitter.com/sidraangelon
Instagram: [@sidraviudaangelonpomar] https://www.instagram.com/sidraviudaangelonpomar/



BODEGAS VIÑA SOLORCA

Direición: Carretera Circunvalación S/N - Roa - Burgos
Teléfonu: 947 541 823

Web: http://www.bodegassolorca.com/


Cuando aconceyen los meyores, namás pueden salir coses bones.

La Llariega ye un antiguu llagar reconvertíu en sidrería-asador asitiada nel Altu la Gargantá, enriba La Felguera. Una escampada enorme pa un llocal enorme, preparáu pa espiches, con asador de lleña y una decoración bien cuidada.

Zona amplia de sidrería onde echen, con meses pa sentase a tomala o picar daqué. Detrás zona de comedor, nun altu, 3 precioses prenses de madera y fierro restauraes con meses nel so interior pa grupos de 6/8 (hai que dir un día a cenar nuna d'eses), y en xubiendo unes escaleres, otru comedor dende'l que se ve'l pisu de baxo.

Nesa zona de riba, La Llariega entamó un alcuentru onde se xuntó'l quesu, la sidra, el xamón y el vinu Ribera de Duero.


Cuntamos con un cortador de xamón que nos enseñó a estruyar de forma maxistral el xamón hasta que lo dexemos nos güesos.


Tamién cola presencia de Viña Solorca, vieno Ribera de Duero. Pudimos probar so Crianza viña Solorca, tempranillu que gustó enforma. Vinu qu'entra perbién pero qu'aguanta'l sabor en boca.

Tamién nos presentaron so Reserva Gran Solorca, vinu más complexu que l'anterior, con más cuerpu, más intensidá en ñariz y en boca y que tamién gustó enforma.


Aitor Luis Vega preparónos una mesa espectacular llena de distintes variedaes de quesos. 30? 35? ¡Y práuticamente nun quedó nada! Quesos que nin te imaxines qu'esisten, quesos ameyoraos por él mesmu acoricando la so maduración viendo cómo evolucionen, quesos presentaos na so esplosión óptima de sabor.


Ente munches variedaes, pudimos probar un Emmental, quesu de vaca d'orixe suizu, famosu pelos sos furacos al estilu del Gruyer.



Quesu PeñaTu y Oveya Semi Curao.. El quesu PeñaTu ye un quesu de Vidiagu de vaca pasteurizada. Suave y cremosu.




Geitost (marrón) ye un quesu de cabra tradicional de Noruega. Xenial el toque de toffee que-y da'l sueru la lleche de cabra. Sabor distinto y qu'encamenten tomar con café. L'otru quesu ye un Gouda Pesto Colloráu, quesu holandés fechu con lleche de vaca. Entemezse con tomate coloráu y oriéganu y da-y un sabor particular a pizza. Mui orixinales y ricos los dos. 



El Yorkshire voló gracies a la combinación qu'Aitor nos propunxo col chocolate. Un auténticu placer.. 



El Camembert nun precisa nenguna presentación. Y menos con estos colores. 

Tamién nos acompañaron Fran y Susana del Llagar Viuda de Angelón - Pomar. Foi ensin dulda una de les sorpreses de la nueche yá que la mayor parte del públicu (y de Asturies) desconoz les nueves formes de sidra. Lo que de primeres produció sorpresa, convertióse nun ésitu yá qu'a la xente-y encantó. 


Empezamos pola so Sidra Brut Nature Prau Monga, qu'anguaño amás coincide n'añu de Reserva, y ye, al nuesu gustu, el meyor productu fechu d'esti tipu. Una auténtica maravía de la que nunca canses. Sidra seco, pero que sabe a sidra. Golor y sabor perfeutu. Presencia perfeuta. Ensin dulda, tendría de tener muncho más reconocencia del que tien.



Siguimos col so Pomar Rosée, la sorpresa l'añu, sidra rosao con un pocu más d'azucre, refrescante y perfeuta pal quesu.



Y acabamos col so yá famosa Sidra Diamantes de Hielo. Sidra qu'aguanta'l tipu perfeutamente con quesos más potentes, apurriendo esi azucre necesario. Una llambionada que nun llega empalagar y qu'entra sola colos sos 12º.


Como veis, productos de primera y compañía de primera. Queda pendiente visita a La Llariega pa probar la so cocina, pero con entamos asina, de xuru que tendrán ésitu. 


No hay comentarios

Publicar un comentario