Publicidá

Contact Me

Nombre

Correo electrónico

Mensaje

Hover Setting

default

Menza

Direición: Liszt Ferenc Ter 2, Budapest 1061, Hungría
Teléfonu: +36 1 413 1482
Recomendaciones: Goulash típico húngaru.


Web: http://www.menzaetterem.hu/english.php
Facebook: https://www.facebook.com/menzarestaurant
Twitter [@menzaetterem]: https://twitter.com/menzaetterem

Calidá: 3/5
Preciu: 30€



Comentarios: Unos díes de desconexón cervecera por Budapest lleváronnos al Menza, llocal encamentáu por amigos y con bones crítiques polo xeneral n'interne.

Averamos un día a cenar (alcordáivos que los horarios de cena europeos nun son los asturianos) ensin reserva, dixéronnos que tendríamos d'esperar media hora,  asina qu'entramos y tomamos una caña de la so propia cerveza.

Lo primeru que llama l'atención ye'l local. Llocal enorme, llenu de meses, con decoración chillona y moderna, y un trasiegu xente y camareros continuu. Taba llenu un día normal ente selmana. Val que Budapest ye turísticu, pero tampoco yera temporada alta. Amiestu de turistes y húngaros,  asina que'l llocal funciona perbién.

Serviciu rápidu y eficiente, la sensación que me dio'l local ye que tienen tanta xente que lo que quieren ye que comas rápido y bien pa dexar llibre la mesa. Y eso ye complicáu. Y esa sensación a la fin pudo más que la mio esfrute la cena.

Mientres esperábamos probemos la so cerveza artesano, daqué abondo habitual n'Hungría y que siempres ye d'estimar. Cerveza rubio correcta (muncho meyor que cualquier cerveza industrial húngara ensin dulda) pero pocu más.

Cenamos nel comedor de riba del local (ye enorme y taba tou llenu). nuna mesa amplia, 4 persones. Pocu dixebraes de les meses d'a'l llau. Mantel y tela pero serviyetes de papel.

La idea yera probar platos y vinu local. Asina que d'entrante pidimos unes sopes típiques del país.




El famosu Goulash, platu típicu húngaru, nesti casu en forma sopa. Platu especiáu y con un toque picante pero que polo xeneral-y falta allegría. En probando unos cuantos goulash n'Hungría, ésti paeznos el más "algamadizu" de toos. Ricu, pero pocu más.


Tamién probemos una les especialidaes de la casa, Sopa Consomé Menza de Carne de Vacunu, una sopa de cocíu de carne con un filete, cebolla y pataca. Normal y corriente.



De platos principales, pidimos Confit de Mangalica (Gochu húngaru) con Pepinillos Caseros. Bona ración, anque de sabor correuto, un mueyu que nun apurre nada, pero sicasí una bona carne de gochu abondo rica.



Estofáu de Carne Húngaro con Gnoquis Caseros. Platos pa entemecer col mueyu y comelo xuntu. Abondo ricu.



Filete Salmón sirvíu con Mueyu Holandés y Remolacha, una especie de platu combináu que faen pasar por platu. Salmón correutu y col mueyu holandés el platu ameyora. Sía comoquier, en La Cocina de Colacho probemos daqué paecíu a años lluz ...



Magret de Coríu a la Naranxa con Pataques Gratináes y Mueyu Castaña. El favoritu la mesa, per bono'l toque  la naranxa y la castaña. Bon platu.

Tábamos bastante llenos, asina que pidimos un postre pa compartir al centru. Otra vegada cubiertos al mediu y serviyetes de papel.



Postre Chocolate Menza con Xeláu de Pistachu Caseru. Un coulant correutu qu'oldea bien col pistachu.


Pa beber, pidimos vinu húngaro. El meyor qu'atopamos foi una Villa Tolnay Primus 2008, un Cavernet Sauvignon con una acidez grande y sabor a frutos coloraos. Meyora al alendar, pero tampoco namoró. Y menos pa lo que costaba.

Pa rematar la comida, colos cafés, pidimos unos llicores locales (que cobraron), de sabor y nome indetermináu. Oscilaben según dixéronnos ente los 40º-60º, unos meyores, otros peores, dalgunu infumable ...

4 persones, pagamos 32€ per cabeza. Un preciu "caru" pa la media  precios en Budapest. Na cuenta, va incluyíu un 10% de mampurra pal camareru. Lo que paez que tampoco ye una práctica habitual na ciudá, pero nesti llocal sí.

Un sitiu guapu, modernu pa comer, pero fuimos cola sensación de que la comida ye meyorable. Magar ye ciertu, que paez que gusta, polo que va tar percima de la media de los restoranes en Budapest. Nós, nun vamos repetir.


No hay comentarios

Publicar un comentario