La Paz

Direición: Avenida Cantarrana, 22 - Viveiro (Lugo)

Teléfonu: 982 550 242

Recomendaciones: Pexes y Mariscos.

Web: http://www.restaurantelapaz.net/

Facebook: https://www.facebook.com/La-Paz-Viveiro

Calidá: 3/5

Preciu: 35€

Comentarios: De visita pola mariña norte gallega, atopamos Viveiro, un pequenu pueblu turísticu bien guapu. Nel hotel onde agospiamos (menuda maravía Casa Almoína) encamentáronnos La Paz,  asina qu'averamos a cenar.

Restorán clásicu, con una zona de chigre con meses pa tomar daqué y un salón enorme tras. Qu'a éstes, taba llenu. Meses abondo amplies, con manteles y servilletes de tela, bon serviciu y tratu bien atentu.

Acabamos de cenar cuando se sentaron en dos meses unes 50 persones nuna cena, asina qu'aquello namás podía dir a peor.

De mano pidimos una Sopa de Mariscu. Llevaba bon condimento, bonos cachos de pexe y mariscu, espesa pero ... pásanos en prácticamente tolos llocales de Galicia. Cocínase sosu y les sopes de mariscu y arroces con lloréu, que dependiendo la cantidá que se-y eche, puede matar el sabor del platu. Ésta pecaba de los dos coses, sosa y con lloréu a esgaya.

Ración de Zamburiñes. Bona ración de zamburiñes grandes. Riques y sabroses, amás vienen con unes tires de xamón pasáu pola sartén. Bon sabor del Aceite d'Oliva y soses. Nin rastros de sal nin ayu. Supongo que por eso inclúin el xamón, pa da-y un pocu contraste saláu al platu. Gustónos.

Ración de Pulpu a Feira. Otra ración contundente, y esta vegada sí, tou perfectu. Pulpu nel so puntu, con puntazu picante que nos encanta, ensin pataca y con aceite. Gustó enforma.

Pa beber Vinu Blanco Godello Godeval 2014. Vinu del DO de Valdeorras, Llixeru pero con toques acedos, gustónos. Amás acompañáu d'Agua Mondariz.

Otru de los puntos a destacar foi'l pan, pan gallego de verdá. Ricu.

Nun entraba'l postre, asina que pasamos directamente a los cafés y los clines.

Clines caseros, blancu y de café. Bien ricos. 

Pagamos 69€. Bon productu pero con detalles ameyorables.