Publicidá

Contact Me

Nombre

Correo electrónico

Mensaje

Hover Setting

default

Ginkgo

Direición: Calle Melquiades Alvarez, 3, Xixón
Teléfonu: 984 05 04 98


Calidá: 4/5
Preciu: 30€

Del antiguu “El Sirenito” naz esti Ginkgo. Remocicaron con bon gustu un llocal na mesma cai y llanzáronse a la modalidá de restorán tres l'ésitu que tuvieron cola so comida xaponesa pa llevar.

Llocal que nun ye mui grande pero que, ente barra, meses nesa zona y el comedor al fondu, acaba siendo un espaciu modernu, de decoración cenciella y prestosa.




Como trabayen perbién, con bon productu, y sirven platos que gusten y sorprenden, tán teniendo bastante ésitu, polo que convien acutar pa cenar en fin de selmana.

Tienen 2 turnos, 21.15 y 23.15, daqué que nun suel gustar, pero comprensible dáu l'aforu con que cunten. Amás, el serviciu ye rápidu y son platos que nun riquen de llargues esperes pola so preparación, colo que tampoco ye un problema nesti sentíu.

Yá conocíamos les sos preparaciones de Sushi, makis y demáis d'El Sirenito, asina que fuimos a por platos distintos y preparaciones novedoses.


Destacar que tienen cañeru de Caleya y una bona variedá de cerveces artesanes y dalguna xaponesa. A la carta de vinos nun llegamos a echa-y una güeyada.





Pa 2, y pa compartir tou, pidimos dellos platos colos bonos encamientos de la moza que nos atendió.


Traxeron na espera una ensalada xaponesa que taba rica y fresca:







Siguimos con Gyoces de Llagostinos. Perfeuta la masa, sabrosísimu el rellenu. Encántennos les Gyoces, y estes tán de muerte:





Probemos un platu xaponés del que teníamos munches ganes. En carta tienen 3 tipos, pidimos de gochu, pero nun-yos quedaben de nengún d'ellos. Sí teníen fora de carta, Korokke de pitu caleya guisao. Asina que muncho meyor, fusión con productu de la tierrina. Son una especie de croquetes de pataca cola carne. Son un tanto seques, pola cantidá de pataca que lleven, pero col mueyu que les acompaña tán perriques:








Avezaos a los típicos Tataki d'atún, al ver na carta esti Tataki de Salmón nun duldamos. Y vaya sorpresón. El platu  la nueche. Esfrútase cada taragañu. Salmón de calidá estremo. Desfai en boca:





Terminamos con unos Makis de Pexe Mantequilla mui bonos:







Probemos los 2 postres que tienen. Cheesecake Pasión. Espectacular. Una tarta de quesu distinto con un amiestu de crema de quesu con frutes y bizcuechu que, tantu por presentación como por sabor, paeciónos una maravía:







Y un Flan de Sésamu Negru. Daqué sorprendente y novedosu que, tien un sabor particular, con muncho sésamu, pero qu'he de reconocer que según lo diba comiendo diba gustándome cada vez más. Dignu de probar:





Un total de 52€ que, pa esti tipu de comida, de productu frescu y calidable, ta xenial.






Ensin dulda, un referente pa los amantes la comida xaponesa y pa los que non, porque hai muncha variedá pa probar y esfrutar d'una esperiencia distinta.

Quedamos con ganes de probar abondos platos y de repetir tanto'l tataki de salmón, como la cheesecake, o les gyoces, asina que nun vamos tardar en volver…si ye que nos gusta tou…


No hay comentarios

Publicar un comentario