Publicidá

Contact Me

Nombre

Correo electrónico

Mensaje

Hover Setting

default

Vinoteo: Cata de Carnes del Mundo

Direición: C/Campoamor, Nº 29 - Uviéu /Oviedo
Teléfonu: 984 081 696



Web: http://vinoteo.com/
Facebook: https://es-es.facebook.com/vinoteo
Twitter: [@vinoteo] https://twitter.com/vinoteo


Dempués del parón navidiegu, vuelven les Cates del Vinoteo a lo grande con una amuesa de Carnes exótiques regaes colos vinos d'una de les bodegues más nueves nel DO La Rioxa pero que ta pegando per fuerte.



Les cates vuelven tan a lo grande qu'hubo qu'aumentar la sesión 1 día más pa poder acoyer a toles persones interesaes (ya inclusive quedó xente fuera esperando por una tercer sesión que finalmente nun foi posible)


Na cata Juanjo propúnxonos comer 4 carnes exótiques distintes: Sollombu de Pitón de Vietnam, Llombu de Cocodrilu de Zimbabue, Entrecot de Cebra de Sudáfrica y Entrecot de Bisonte de Canadá.
Antes de tastiar cada animal, pasáronnos poles meses el Certificáu de caúna pa comprobar la so autenticidá.


Amás, acompañó la cata Gregorio Álvarez Pérez, delegáu de Bodegues Baigorri. Fíxonos una presentación onde, amás de falanos de les cualidaes y premios de los sos vinos, maraviónos cola arquitectura de la bodega, construyida pol Premiu Español de Arquitectura Iñaki Aspiazu.


Tenemos visita pendiente por la Rioxa Alavesa.


Como'l formatu yera de cata, toles carnes sirviéronse pasaes llixeramente pola plancha ensin nengún aditivu pa poder apreciar meyor el so sabor y la so testura. Evidentemente dalguna de les carnes pidía otru tipu de cocina, pero ye la meyor manera d'apreciales. Na mesa había llimón y sal pa poder añadir a la carne, anque l'encamientu siempres foi probala primero ensin nada.


Amás tamién, pan y un platu de Pataques frites y pimientos.


Empezamos col Sollombu de Pitón de Vietnam, presentáu en tires bien fines. Carne blanco dafechu insípido con una testura duro. Evidentemente ameyora con un pocu de sal, porque d'otra manera nun sabe a nada.


Siguimos col Llombu de Cocodrilu de Zimbabue, carne dafechu duro. Cuesta hasta mazcala. Ye una carne ente rosada y blanca con testura per  fibrosa y con un sabor que recuerda al pollu suave o pez espada.



Con estos dos carnes, Gonzalo propúnxonos el so Baigorri Blanco Lleldáu en Barrica. Vinu blanco fechu con variedaes Viura y Malvasía, con una fermentadura y crianza de 9 meses en barriques nueves cola so propia madre. Un blancu potente ya intensu, con arumes intensos gracies a esa madre. Gustónos enforma.


L'Entrecot de Cebra de Sudáfrica tien un ciertu regustu a fégadu, pero mui suave. Foi la mio carne "exótico" favorita de la nueche. Comentaron tamién dalguna semeyanza cola carne de potru. Color rosa-colloráu pa una gran carne.


Acabamos la cata de carnes exótiques col Entrecot de Bisonte de Canadá. Color coloráu escuru, pa una carne d'aspeutu bien paecíu a la xata. El so sabor ye tamién muncho más intensu y potente, recordándonos a toos al fégadu. Gustó enforma tamién.


Gonzalo acompañónos estes carnes del so Baigorri Crianza, el vinu que más vienden na bodega. Vinu basáu básicamente en Tempranillo con un 5% de Garnacha. 14 meses en barrica. Ye un vinu suave pero qu'aguanta en boca. Gustó enforma.


Acabamos la cata cola xoya  la corona, Pitu Caleya con Patatinos de la mesma granxa ecolóxica del Vinoteo en Limanes. Pocu más hai qu'añadir a una de les maravíes que tenemos n'Asturies. Y si amás los pitos son bonos, yá nin te cunto. Taba deliciosu.


Pa esti platu, Gonzalo propúnxonos el so Baigorri Garnacha, una de les xoyes de la casa. Viñeos de 85 años d'edá de tierra probe a 700m d'altor producen un vinu per potente na ñariz y con una persistencia na boca bien llarga. Xenial col pitu. Gran vinu.


Gran nueche onde, como siempres, aprendimos un montón y probemos carnes nueves acompañaes d'una gran bodega. 


No hay comentarios

Publicar un comentario