Publicidá

Contact Me

Nombre

Correo electrónico

Mensaje

Hover Setting

default

El de Alberto

Direición: C/ Angel Rebollo, 18 - A Coruña
Teléfonu: 981 907 411


Recomendaciones: Sientate y esfruta. Va prestate tou.
Calidña: 4/5
Preciu: 40€
Facebook: https://es-es.facebook.com/Restaurante-El-De-Alberto


Comentarios: De visita n'A Coruña, encamentáronnos dellos sitios onde dir, y ún d'ellos foi El de Alberto. Casi damos la vuelta al enfilar la cai onde ta'l restorán, escura y pela rodiada la ciudá; y casi nos dan la vuelta al dir ensin reserva, anque a la fin tuvimos suerte y pudimos sentar nuna mesa.

Restorán con decoración sobria, modernista, tipu loft. Cristalera enorme a la entrada, con zona pequena de barra y dalguna mesa p'aprovechar siempres que'l salón tea llenu. Un mini reserváu con una mesa redonda pa dalgún grupu un pocu mayor y salón ampliu con meses pa 2 o 4 nun llateral con bancu pegáu a la paré y unes cuantes mayores al otru llau. Un pocu xuntu tou, pero non cafiante. L'ambiente ye sele y el blancu (y colloráu) de les parés coles espectaculares semeyes, acompañen a sentase y esfrutar.

Serviciu bien sollerte y atentu. Mención aparte merez Alberto, auténticu maestru de ceremonies del llocal. Avera por toles meses ya interésase de verdá por saber si tas a gustu o non y qué puede faer p'ameyorar. Un auténticu preste conocelo y esfrutar de la so compañía.

La carta nun ye mui grande, pero los sos platos son una auténtica maravía. Cocina gallega con toque creativu, pero tou bien equilibráu y buscando la esencia del sabor. Maravía.


Empezamos con unes Bollines de Papel d'Arroz rellenes de Bugre y Monizuela, Foie a la Plancha y Caldu Dashi. Espectacular combinación del caldu col foie. Ye un platu pa comer de cuyar, non mui caliente, pero perfeutu pa caltener el cruxente la bollina (per finu) y al empar esfrutar del caldu. Al sirvilo, encamenten estazálu, entemecelo tou y esfrutar cola cuyar. Consiguiéronlu. Platazu.


Cogordes Saltiaes en Caldu de Carne con Güevu a Baxa Temperatura orbayau con Aceite de Trufa y Crema de Pataca. Alviértennos antes de pidilo que'l güevu a baxa temperatura ta "pocu fechu" y que eso nun presta a ciertes persones. El güevu anubre'l platu, y encaméntennos remover cola cuyar y faer una especie revueltu ... fascinante. Esplosión de colores y sabores.


Distintu. Atrevíu y mui, mui ricu.


Atún Coloráu d'Almadraba a la Plancha con Aceituna Negra. Platu fora de carta que pidimos pa compartir. Como veis otra magnífica presentación pa un atún al que quiciabes-y faltaba un pelín de sabor. Pero gran platu igualmente. Tien un toque d'aceituna negra interesante. Emplatáu pa dos.


Cesta con distintos panes, xeniales pa probar distintes combinaciones. Per ricos.


De postre pidimos, Bizcuechu d'Ablana, Xelatina d'Oruxu, Crema de Chocolate y Xeláu de Café. Xenial esi bizcuechu d'ablana. Gran postre, contundente, pero esi bizcuechu colos tropezones d'ablana va ser complicáu d'escaecer.


Piña Caramelizao, Mousse de Cocu y Xeláu de Maracuyá. Impresionante postre. Los canutillos cruxientes rellenos del mousse de cocu son una gociada. Mira que'l Bizcuechu d'Ablana taba bonu, pero ésti ... ganó por goliada. Mui ricu.


Como duldamos ente pidir el Bizcuechu d'Ablana o los sos famosos Donetes, traxéronnos un par d'ellos por que los probáramos. Detallazu.


Pa beber, dexamos aconseyar por Alberto. Diznos qu'el Albariño Leirana 2013 ta nun momentu espectacular, asina que lo pidimos. Cuésta-y un pocu, pero va ameyorando a lo llargo de la comida. Sía comoquier, ye un pelín aguáu y apenes remanez en boca.

Alberto indícanos qu'intenta traer referencies desconocíes pol gran públicu no que se refier a los vinos. Bona representación de productu tantu blancu como tintu de Galicia.

Con café y té, pagamos 80,10€

Pergrande sitiu n'A Coruña, tratu esceicional, gran calidá na cocina, preciosa presentación, gran sabor. Xenial descubrimientu en Galicia al qu'ensin dulda vamos volver.


No hay comentarios

Publicar un comentario