Contact Me

Nombre

Correo electrónico

Mensaje

Hover Setting

default

Visita a El Gaitero

Direición: Espuncia s/n - Villaviciosa
Teléfonu: 985 890 100


Web: https://www.sidraelgaitero.com/
Facebook: https://www.facebook.com/sidraelgaiterotercio
Twitter [@grupogaitero]:  https://twitter.com/grupogaitero
Instagram [@grupogaitero]https://www.instagram.com/grupoelgaitero/


Poques palabres pueden añadir a El Gaiteru, una de les sidres espumoses más famoses del mundu, empresa puntera n'Asturies con más d'un sieglu d'antigüedá.


Averamos l'últimu día del añu hasta la Villa a despidilo como se merez probando un pocu sidra, acompañaos de compañeros blogueros Cool HunterLa Señorita y Olalla d'A Buen Bocado,, y con anfitriones de lluxu como María Cardín Blanco, axunta direición de la empresa (y continuadora d'una de les sagues familiares sidreres más famoses) y Tano Collada Salvador, enólogu de la mesma.


Toos conocemos la sidra espumoso del Gaiteru "famosa nel mundu enteru", toos a lo llargo la nuesa vida brindamos dalguna celebración con esta sidra espumoso, duce y de sabor tan carauterístico, pero pocos saben la hestoria qu'hai tres d'ella. Esplicáronnos el procesu de cómo llegó a champanizase la sidra pa consiguir esportala a América en plena dómina d'indianos pa garantizar el so perfeutu caltenimientu hasta'l puntu de destín.


Lleven dende 1890 asoleyando felicidá pel mundu enteru, pero nun ye una empresa que viva del pasáu. Apocayá sacaron al mercáu Pomarina, na so versión natural como sidra de mesa, y na so versión brut, con doble fermentación en depósitu, con sabor muncho más fresco.


Nel so enfotu de siguir anovando, esperen sacar en curtiu al mercáu de nuevu, la so Sidra Brut Valle, Vallina y Fernández Brut, sidra espumoso son doble fermentación, pero esta vegada en botella. Productu muncho más interesante y elegante y que supon, al nuesu entender, el futuru camín de la sidra dientro de les sos nueves espresiones compaxináu cola nuesa sidra natural.


Tuvimos ocasión de probalo en faciendo un degüelle Tano y ye un productu que prestó enforma.


Asina, El Gaitero ufierta productu pa combinar la so sidra en cualesquier parte de la comida, dende les más seques pa los aperitivos, semiseques pa los platos principales y dulces pa los postres.


Pero El Gaitero non solo fai sidra, los sos dulces, turrones y mermelaes son fantásticos; de perbona calidá. Demostrando que puede faese turrón de primera n'Asturies de forma industrial o artesanal (como pudimos comprobar estes Navidaes n'Obrador Monte Naranco).


Siempres ye un lluxu tener accesu de primera mano al procesu d'ellaboración de la nuesa sidra, yá sía dende'l llagar más artesanu a la fábrica más industrial, ver les sos diferencies pero comprobar cómo a la fin, lo qu'importa ye'l mimu, la bona mazana y l'adautación del saber tradicional a los nuevos tiempos.


¡Gracies fonderes pola visita!


No hay comentarios

Publicar un comentario