Facebook: https://www.facebook.com/La-Gijonesa
Twitter: [@lagijonesa] https://twitter.com/lagijonesa
Instagram: [@lagijonesacomestibles[ https://instagram.com/lagijonesacomestibles/
Ca Llechi
Facebook: https://es-es.facebook.com/Ca-Llechi
40 Primaveres
Facebook: https://www.facebook.com/40primaveres/
Twitter: [@40Primaveres] https://twitter.com/40primaveres
La Gijonesa ye una tienda preciosa de productos asturianos gourmet que, amás, ufierta como novedá una presentación cuidada y orixinal de los mesmos.
Ellí vas poder atopar dende conserves de la más alta calidá, patés, quesos, vinu asturianu, sidra en toles sos variedaes, llicores ... tou con un preciosu envoltoriu personalizáu perfeutu pa regalar o pa esfrutar na casa.
Por cuenta la presentación de los Primeros Quesos Navidiegos Asturianos, convidáronnos el pasáu vienres a conocer la tienda y poder probar de primera mano los quesos. Un placer como siempres coincidir con Olalla d'A Buen Bocado
En collaboración con 40 Primaveres, empresa dedicada a la consultoría creativa gastronómica, y so alma mater Lluis Nel Estrada, famosu cocineru y espertu gastrónomu asturianu, gran trabayador y divulgador de la gastronomía y cultura asturiana.
Lluis presentónos dos quesos especialmente concebíos pa la Navidá pola Quesería Ca Llechi, quesería de Moruxones (Pintueles - Piloña) y ún de los 4 productores cola "DOP Quesu Casín"
El primer quesu ye una edición llindada de 100 quesos de Gorollu de Navidá. Pa los que nun sepáis qué ye un Gorollu quesu, ye una de les fases d'aniciu del quesu casín, ésti espurre con un rodiellu y aprovéchase pa introducir el rellenu que queremos que tenga, nesti casu, un amiestu d'ablanes turraes y miel cristalizáu. Darréu dáse-y forma y déxase reposar unos díes pa que tea nel so puntu perfeutu de degustación. El procesu ye dafechu artesanal.
Prestonos enforma so testura, semiblanda y notar el puntazu d'ablana y miel.
El segundu quesu que probemos ye'l Quesu Navidiegu, de pasta prensada de lleche de vaca maceráu en sidra, rellenu de frutos navidiegos (oreyones, dátiles y cirueles) y afináu con farina turrada de castañes. Fascinante combinación, muncho más acedu y consistente que l'anterior y con una testura más pastosa. Pero'l toque dulzuxu de los frutos navidiegos ye perfeutu.
Tola presentación tuvo regada con Sidra Brut Viuda de Angelón, bonísima como siempres, y según indicónos Fran, so llagareru ya enólogu, la última añada qu'acaba d'embotellar de cara a la navidá ta impresionante. Probaremosla. Tamién cuntamos cola presencia de la Bodega 7 Vidas, y pudimos probar dalguna botella. Tou un lluxu.
Lluis aprovechó pa reivindicar la calidá del productu asturianu y esperó el despegue por fin de la sidra brut asturiana de cara a estes fiestes navidiegues. Esperemos qu'asina sía.
Gracies fonderes a La Gijonesa, a Ca Llechi, a 40 Primaveres y Lluis Nel, a Viuda de Angelón y 7 Vidas por una nueche tan prestosa. ¡¡¡Tenéis que probar estos quesos!!!
No hay comentarios
Publicar un comentario