Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva visita: Pizcas de Sal

Direición: Calle Ruperto Velasco, 4, Xixón
http://www.lesfartures.com//2014/09/nueva-visita-pizcas-de-sal.html
                                                
Calidá: 4/5
Preciu: 25€

Comentarios:  Yá ta más que descrita esta vinatería n'entraes anteriores. Ensin dulda, una de les nueses favorites, y de bien de xente...

Recuperamos equí nuesa última visita de fai un par de meses.

Esta vegada, acutamos a principios de selmana pa cenar en pareya un vienres. Indicáronnos al faer la reserva que yera na zona de riba, non nel comedor inferior.
La verdá ye que preferimos tar embaxo. Mas íntimu, más guapu, más cómodu. Enriba había más barullu al tar la zona de barra, anque se foi balerando, y la mesa yera un pocu pequena pa les raciones que diben trayendo. Amás saquenlo tou per rápidu y nun cabíen los platos...pero bonu, problema menor porque taba tou tan bonu que volaba...Lo que sí ta bien ye un par de llocalizaciones con meses altes, nes que paecía tase a gustu pa cenar daqué.
Hai que reconocer qu'enforma espaciu nun tienen pa faer virgueríes, y agora puede cenase o enriba o inclusive na terraza. Sumaron meses. 

Con respeutive la nuesa última visita camudaren la carta. Nuevos platos y nuevos conceutos. 
Vimos pasar unes mini hamburgueses que pruyía secuestrar...pidíes por más d'una mesa y por xente na barra...
Agora la carta indica los platos que son individuales o los que son pa compartir. Antes diba por unidaes, mínimu 2, en ración y preciu per unidá de más. Gustábanos más esi conceutu.
Costó decidir ya que too apetecía, y lo que yera individual o pa compartir.
Sía que non, el camareru encamentónos a la perfección qué pidir puestu tou diba ser pa compartir.


Pa beber, unu de los nuesos comodinos, Enate Chardonnay - 234. Blancu de los qu'entren solos y que sirven p'acompañar tou y perbién:


Empezamos con unos Carambelos de quesu azul con mazana. Un viciu. Si ponen 20, cómense...gran presentación y buenísimos:



Tortos de pulpu y mariscu. Cuando llegó sorprendiónos. Nun lo imaxinábamos asina. Inclusive nos paecía malo de comer. Superó les primeres impresiones. Aciertu en presentación, conceutu y sabor:


Gyozes de mariscu y pexe. Gústennos les Gyozes y solemos probales cuando les preparen. Estes superen la media. Muncho sabor. Ganes de más:


Pizza de rabu de güe. Otru platazu. Muuuuncho meyor que la semeya... Distintu. Sabrosa:


Pa finar, como tábamos viendola pasar a otres meses, pidimos una Crema de yogur con castañes, con una presentación que llamaba l'atención. Nun nos llamó tanto l'atención al probalo. Nun taba mal, pero un pocu planu de sabor. Nun destaquen los sabores pente'l yogur:


Tamién probemos la Picatosta de briox con sopa de piña colada y xeláu de chocolate. Y esti sí que pagóla pena. Pa repetir. Bones combinaciones pa una resultancia buenísimo:



Asina qu'otra cena nel Pizcas y otru aciertu. Nun nos cansa. Y como van retirando platos, dacuando vas comer daqué en concretu y yá nun lo preparen, y creando nuevos, arriesguen y suelen atinar, pos siempres empresta volver.


No hay comentarios

Publicar un comentario