Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva visita: El catalín

Direición:  Atalaya, 9. Villaviciosa. Asturias
Teléfonu: 985 89 71 13

Facebook: https://www.facebook.com/pages/Restaurante-El-Catalin/169945193046217?fref=ts
WEB: http://www.restauranteelcatalin.es

Anterior entrada: http://www.lesfartures.com/2007/10/el-cataln.html

Calidá: 4/5

Preciu: 20 €

Recomendaciones: Pexes, mariscos y arroz con amasueles

Comentarios: Nesta ocasión averamos a Tazones a faer un pocu de turismu local y visitar un pueblu costeru d'esos que tienen un encantu especial, y como yá teníamos bones referencies d'esti local averamos a probalo de primera mano.

Atópase allugáu nun mirador antes de llegar a Tazones na carretera'l puntal, tien unes vistes privilexaes y cuenta con un pequenu parque infantil onde pueden esfrutar los guah.es tranquilamente, ún d'esos parques que tán cerca abondo como pa tenelos controlaos pero lo llueñe pa que nun fadien a la xente que nun vien con ellos.


El local encantónos, yá que lo tien tou, una terraza pa tomar daqué tranquilamente, una zona de barra más típica de sidrería y un comedor con grandes ventanales pa esfrutar de la redolada privilexada.


Amás de les carnes, pexes y mariscos de carta tienen dellos menús onde escoyer. Decidimos pol menú que tienen mientres tola temporada de 20 €.

De primero un arroz con amasueles espectacular, de los meyores que probé na mio vida, qué sabor, d'esos platos que repites delles vegaes ensin cansate.



De segundu platu tienen pa escoyer pimientos rellenos o carne guisao, decidí pola postrera yá que los pimientos y un sirvidor nun somos demasiáu amigos. La carne taba tienra nesi puntu que se desfai na boca.




Pa rematar pidimos unos frixuelos y un xeláu de turrón con chocolate caliente. Anque nun podíamos más por mor de l'arroz que ta tan bonu que nun puedes dexar de repetir y amás vien tan abondosu que da pena dexar daqué nel platu. 
Agradécense estos postres caseros nun menú, detalles como que se note que'l chocolate ye caseru y de verdá (nada de siropes o coses asemeyaes).


Un café de pota en taces de barru que dexen na mesa como veis na semeya pa que te sirvas al gustu.

Sitiu mui recomendable, quedamos con una visita pendiente  pa probar los sos pexes y mariscos.


No hay comentarios

Publicar un comentario