Publicidá

Blog Archive

Contact Me

Nombre

Correo electrónico

Mensaje

Hover Setting

default

Los Arándanos


Direición: Os Armallos - Almallos. Taramundi
Teléfonu: 985 552 014 - 665 836 223





Recomendaciones: Cualquier cosa con ... los sos arándanos!


https://es-es.facebook.com/pages/Restaurante-Los-Ar%C3%A1ndanos/332926124154


Calidá: 4/5


Preciu: 40€


Comentarios: Güei traémosvos una pequena xoya asitiada nel occidente d'Asturies. Una auténtica maravía. Amás qu'el sitiu ye una auténtica preciosidá, comimos de luxu, asina que paga la pena dir hasta Taramundi, visitar Os Teixois y averase a comer a Los Arándanos, nun vos va defraudar.

Asitiáu a unos 8km de Taramundi, metanes la nada y enriba d'un monte, atópase'l restorán, con unes vistes envidiables. Llegues, aparques el coche y entres nun pequenu xardín qu'apuerta a la casa, llenu de flores y plantes exótiques, con una pequena ponte que crucia un mini llagu artificial llenu de pexes de colores ... una auténtica maravía.

Entres na casa, que s'atopa estremada en dos estayes, tienda onde vienden los sos productos ecolóxicos y naturales basaos na so propia producción d'arándanos y la zona de restorán.

El restorán ye una gociada, meses amplies de cara a amplies cristaleres onde namás pues ver naturaleza. Techos de madera en forma de semicírculu con un llar en mediu pa calecer pel hibiernu ...


Ufierten una cocina alternativa, basada nos sos arándanos, qu'ellos mesmos producen (y nada tienen que ver colos que nos vienden nes grandes superficies) y en productos ecolóxicos. Asina tola carne que vienden provien de Bioastur y na carta principalmente vas atopar con vinos que lleven la etiqueta d'ecolóxicos.

Mientres nos esplicaben tou esto, traxéronnos como Aperitivu un Zusmiu d'Arándanos de la Casa. Con daqué de azucar, pero 85% de fruta. Bien ricu.

Amás traxéronnos una Tosta de 4 Quesos y piñones machucaos. La combinación de los quesos per suave. Bien bona.

Nun traíamos muncha fame, y menos dempués de los aperitivos que nos traxeron, asina que pasamos direutamente a los platos. La carta de pescaos ye práuticamente d'interior (estrañu teniendo a menos de 30km la ría l'Eo y les sos estupendes Ostres), asina que decantiamos poles carnes, y más dempués d'informanos que yera de Bioastur. Por encamientu del restorán tomamos 2 Sollombos de Xata Asturiana IGP con Mueyu d'Arándanos, Pataques Panaderes y Cebolles Caramelizaes. Espectacular. Carne suave, tienra, y la verdá ye que la combinación colos arándanos da-y un puntu especial (anque la mayoría del mueyu quedó nel platu y nun quedó nin rastru de la carne).


De postre pidimos un Milfueyes de Crema y Ñata sobre Cremosu de Llimón, espectacular según la esperta en milfueyes. Col hoxaldre perfeutu y unes flores del monte. Ún de los meyores que probó xamás, y eso yá diz.

Yo tomé una Tarta de Requesón con Frutos Coloraos. Bien bona, suave, con freses y quivi. Anque dempués de probar el milfueyes ... gana por goliada.


Pa beber tomamos un Eremus 2011. Vinu ecolóxico de la Ribera del Duero. Nun entusiasmó, anque de l'añada del 2012 falen maravíes ... Tienen en carta dalguna cerveza artesano (gallega), sidra de mesa, pero nun hai rastru de vinos asturianos.

Convidáronnos a los cafés, y amás traxéronnos un bebida refrescante ensin alcohol de Flor de Sauco y Llimón. Per bona. Amás acompangáronla d'unos Bombones Caseros de Chocolate. Estupendos.



A la fin foi un aciertu nun pidir nengún entrante porque acabamos fartucos. Eso sí, atopé con una ensalada de nome "De Duendes y Trasgus", qu'espero que corrixan dempués d'avisalos.

Un sitiu distintu, orixinal y maraviyosu. A nós namorónos.



Pagamos 83€.



No hay comentarios

Publicar un comentario