Publicidá

Blog Archive

Contact Me

Nombre

Correo electrónico

Mensaje

Hover Setting

default

El Tomate Bistró


Direición: C/ Marqués de San Esteban, 46. Xixón
Teléfonu: 984 29 71 82

Web:           http://www.eltomatebistro.es/
Facebook: https://www.facebook.com/pages/El-Tomate-Bistr%C3%B3/1796126530611850?fref=ts

Calidá: 4/5
Preciu: 30

Cuando supimos qu'unos ex-miembros de los equipos de cocina de Nacho y Esther Manzano abrieran un local en Xixón, apuntamos visita obligada. Namás podía salir daqué bonu...


Andrés Poo y Sergio Fernández llanzarónse na zona de Fomentu con un apueste informal, modernu, en formatu Bistró, pequenu local típicu francés de xinta popular.  


Zona de barra con delles meses altes onde picar daqué o inclusive cenar, y zona de comíes con amplies cristaleres y decoración minimalista. Bien prestosu.


L'atención ye cercana, tantu na esplicación de la carta y elección de cantidaes, como na presentación de los platos.


Presenten una carta curtia, con platos fora de la mesma con productos locales de temporada. Platos pa compartir, pescaos de la rula según mercáu y carnes. Aciertu plenu.

Delles preparaciones con posu "Manzano", como les croquetes y l'arroz con pitu, que de xuru faen honor a los mayestros. Homenaxeen amás a otros de los sos mayestros, como colos callos estilu Jockey

Tienen una pequena carta de vinos con referencies económiques, ideal pa les sos propuestes. 

Decidímonos pola frescura d'un Albariño, La Llebre y la Toruga:



Como entrante de cortesía, una Espluma de Tomate con un fondu de pepinu. Fresca y suave. Bon empiezu:


Llegó dempués la Mousse de Foie, Nube d'Azucre y Pan Especiáu. Llamativa presentación. El mueyu ponía'l puntu d'acidez, la nube'l dulce. Un pocu complicáu de comer polo pegañoso de la nube...pero'l conxuntu del platu ye bonísimu. Según díbamos comiendo, más nos prestaba:


Un fora de carta yera'l Tartar de Bonitu. De nuevu espectáculu nel platu, y na boca. La espluma, los brotes, un puntu de xalapeñu mui sutil... platazu:


Y finamos con otru fora de carta, Arroz verde con Llagostinos. Más que bien de cantidá, col toque l'aguacate, y rompiendo los llagostinos como nos encamentaron. Otru gran platu:


Pa terminar con dulce, Chocolate en Testures, con un toque acedu pa regar. Bien presentáu, meyor preparáu y perricu:


En total, unos 50€ pa 2. Preciu más que xustu pa tanta calidá. 

Tuvimos bien a gustu. Percibimos la pasión que ponen en cada platu.

Una bonísima opción nel centru de Xixón.


Nós, ensin dulda, volveremos pa probar tolo que nos quedó pendiente, lo que va suponer delles visites más...


No hay comentarios

Publicar un comentario