Publicidá

Blog Archive

Contact Me

Nombre

Correo electrónico

Mensaje

Hover Setting

default

Bodega La Central

Direición: C/ Central 24, La Calzada, Xixón


Calidá: 3/5
Preciu: 20€

Xuntámonos unos amigos a probar un platu que, sicasí, daba un pocu de cosa. Cachola, cabeza de gochu, entera (Caramiella.la na fastera occidental d'Asturies). Ensin desaniciar nenguna de los sos partes. Namás cocida.

Y fuimos a una Bodega de barriu, en La Calzada, col encantu que tienen estos locales. Ensin vanaglories, llocal de recién apertura, camudaron apocayá d'un llocal cercanu antiguu qu'ocupaben, y que de xuru va dir coyendo posu col tiempu…
Pel momentu, ampliu, cómodu y con una mesa na parte trasera qu'apurre mayor privacidá.


Pa dir concienciándonos, comprobemos como diba la cosa mientres la selmana. Vemos dende díes antes la cabeza n'agua con sal por que vaya ablandiando:

 


Y yá el día D, nun ambiente prestoso y con atención cercana, empezamos a recibir viandes.


Unes ensalaes y bandexes d'embutíos pa dir abriendo boca. Embutíu abondosu y sabrosu. Ensalaes con sardines y guindilles de les que piquen, pa dar emoción al asuntu:





Y la estrella de la nueche. Cachola acompañada por verdura y compangu qu'apurren enforma sabor a una carne que resulta bien tienra dempués de los díes n'agua y sal y una bona cocción. Depués hai quién se llanza coles oreyes, col morru…pero eso yá a va a gustos y prexuicios…







Con dellos cafés, y clines de los de botella na mesa, salimos por unu 20€ persona. D'otru tiempu…


Asina que yá podemos dicir que probemos Cachola, que taba bien bona, y que na Bodega La Central puede comese ricu y más qu'afechu de preciu.


No hay comentarios

Publicar un comentario